من الرياض للدوحة… بلمح البصر!

بخطوة تُعتبر الأكبر من نوعا بمجال البنية التحتية الحديثة بين بلدين خليجيين… أعلنت السعودية وقطر، توقيع اتفاقية رسمية لإطلاق مشروع القطار الكهربائي السريع، يلي رح يربط الرياض بالدوحة.

المشروع يلي بيكتمل خلال 6 سنوات، رح يقصّر المسافات بين العاصمتين، ويختصر رحلة السفر لحوالي ساعتين فقط، عبر قطار بتتجاوز سرعتو 300 كيلومتر بالساعة.

ويُتوقع إنو يعيد هالمشروع رسم خريطة الحركة التجارية والسياحية بين البلدين.

وهالشبكة الجديدة يلي بتمتد بطول 785 كيلومتر، مع قدرة استيعابية بتفوق 10 ملايين راكب سنويًا، رح تتفرّع لتوصل لثلاث مدن سعودية رئيسية، هي الرياض، الهفوف والدمام.

كما إنو هالقطار السريع، رح يوصل بين اثنين من أهم المطارات الإقليمية، وهني مطار الملك سلمان الدولي بالرياض، ومطار حمد الدولي بالدوحة، الأمر يلي بيمنح المسافرين والمستثمرين، خيارات أسرع وأهين للتنقّل.

ومن المتوقع إنو يخلق هالمشروع 30 ألف وظيفة مباشرة وغير مباشرة بالسعودية وقطر، خلال مراحل البناء والتشغيل.

يعني إنجاز عظيم رح يغيّر مشهد التنقّل الإقليمي… فشكلنا كم سنة لقدّام ومتل ما بقولو… “بلمح البصر” رح نبرم العالم كلو