تفاقمت خلال الساعات الماضية أزمة مسلسل “سفاح التجمع” بعد أن أعلنت شركتان نيتهما إنتاج المسلسل ببطلين مختلفين، حيث قرر المنتج أيمن يوسف إنتاج العمل على أن يتصدّى الفنان أحمد الفيشاوي للبطولة، فيما أعلن المنتج أحمد السبكي عن تعاقده مع السيناريست محمد صلاح العزب لكتابة مسلسل عن القصة نفسها، على أن يقوم الفنان حسن الرداد بدور البطولة.
وفي تطورات الأزمة، كشف السيناريست جوزيف فوزي مؤلف مسلسل “سفاح التجمع” للمنتج أيمن يوسف، عن سبب وجود عملين مطروحين بالاسم نفسه، مؤكداً أنه اتفق مع المنتج أيمن يوسف على إنتاج مسلسل “سفاح التجمع” وحصلا على الترخيص وتمّ تسجيل العمل، قائلاً: “أي عمل لما بيكون فيه سيناريو وشركة إنتاج وداخلين مجال التنفيذ بيتم الإعلان، إنما محدش بيعلن عن ورق
وأضاف: “واقعة “سفاح التجمع” موضوع مهم بالنسبة للناس، وأكيد فيه مؤلفين كتير وشركات عاوزين يعملوه، لأنه قضية مطروحة ولافتة للنظر”.
وأردف فوزي بالقول: “المنتج قال هنستنى على الإعلان لما يكون معانا نجم وكده كده مرخصين الورق في الرقابة والاسم بتاعنا، والحدوتة أصبحت ملك المؤلف، لقصة سفاح بيقتل في منطقة التجمع… أول ما لقينا حد بيدعي إنه بيعمل “سفاح التجمع” أعلنا بالمستندات، ومفيش واحد طلع صورة ترخيص لأن الرقابة مستحيل ترخّص الاسم مرتين، علشان كده أنا حاطط الغلاف بتاع قصة “سفاح التجمع” بتاريخ ترخيصه، وهما عندهم تصميم بشكل كبير على تقديم المسلسل وده مينفعش لا مهنياً ولا أخلاقياً”.
وتابع: “لما راحوا يسجّلوا الاسم منفعش لأن الاسم متسجل في الرقابة ومينفعش يسجلوا باسم متكرر، وشركة الإنتاج تعاملت رسمي وبعتت إنذارات رسمي إن العمل مترخص من البداية ومينفعش ولا يجوز ترخيص عمل تاني بنفس الاسم”.
وأكد جوزيف فوزي أنه جرى التوقيع مع الفنان أحمد الفيشاوي للعب دور البطولة في المسلسل، قائلاً: “اللي عاوز يقدم العمل يقدمه باسم تاني وحدوتة مختلفة، أما كلمة “سفاح التجمع” مينفعش خالص… في الأول والآخر السوق كبيرة وربنا يكرم كل الناس، 20 في المئة كانوا عاوزين يعملوا “سفاح التجمع”، ومحدش بيتكلم علشان عرفوا إن فيه عمل بيتعمل، و99 في المئة من المنتجين محدّش قال إنه هيعمل المسلسل وإحنا كنا عمليين بالتعاقد مع بطل العمل”.
